Caricature.

ديسمبر 2, 2010 § أضف تعليق


Digital Painting

Ibrahim El Batout

ديسمبر 2, 2010 § أضف تعليق



Ibrahim El Batout

Independent filmmaker

Oil on canvas

20×20 cm

 

مفيش

ديسمبر 2, 2010 § أضف تعليق


مالك

مليش

هو كل حد يشوفني يقولي مالك

طب ماليش

طب فيه ايه يمكن نساعدك؟

طب مفيش

وان كان فيه حد يحب تتغير حياته

احكيله بس حكايه واحده

يرجع ساعتها يقولي

لا

متحكليش

كفايه بس اللي سمعته

 

انت ليه شايل ده كله

وانت ليه حاسس ده كله

وانت ليه عواز قلم يرسمها ناس وميتبريش

خليك فحالك و اوعى يوم فقلوب تعيش

كل واحد عنده همه

كل واحد فيه اللي غمه

وكل واحد بيته لامه فوسط غابه

يخرج يا إما ديابه تاكله

او يادوب تنتفله ريش

 

هو الجبل كان يوم سأل عن الإكتئاب

ولا الصحاري برملها

مداري تحتيه العذاب

يظهر فعينك السراب

جنة خداع الموهومين

تعطش ماتلقالك شراب

تداراى جوه الحلم نوم

بعنين كبيره مفتحين

بساعه واقفه بعقربين

بكلمة بايته من سنين

بطريق طويل

تحلم تلاقيه خطوتين

تصحى

تدور عن حياتك

فالسما

فالأرض

جوه الذكريات

متلقيش

 

مع انها حلوه بعبلها

بحلوها وبمرها

بالمعدولين ومشقلبين

فراشتها عايش بجناحات

ضعيفه طايره من سكات

بالحب عايشه عالفتات

ألوانها جنة كل عين

ملكة وبراحها الكون بحاله

مبسوطه بس بجناحين

وانا جنحاتي لوحه بيضا

تخرج ترفرف فالسما

بألواني وبروحي اللي فيها

تدخل قلوب من غير سبب

تفضل تفكر تبقى ايه

تلقى السبب انت مداريه

ولا تيجي يوم تسألني مالك

أصل مالك جوه بالك

أسألك دلوقتي مالك؟!

هاتقول ماليش

كلمة صعب تقول عليها

يجي يوم تملك مشاعرك

فرح قلبك ماتداريش



مصطفى سليم

جربت

ديسمبر 2, 2010 § أضف تعليق


جربت

 

مرة

 

تكون

 

 

جربت مرة تكون

 

جربت مرة تكون كبير

 

عقلك كبير

 

نومك قليل

 

أكلك قليل

 

تسكت كلامك

 

وتفكر كتير

 

جربت مرة تحب حد ملوش وجود

 

ووهبت قلبك للخلود

 

جربت تنسى ألم مشاعرك

 

جربت تقتل اللي راعبك

 

جربت تبقى الكون فجسمك الصغير

 

جربت تطرح من زمانك وقت بعد موت

 

جربت نغمة عود تسبح ربنا

 

جربت رعبك خوفة موت

 

جربت  تصحى من تابوت

 

جربت شمس شروق حياتك

جربت قمرك حفظ سرك

جربت نوره نجوم فحلمك

جربت صفحة بحر تعكس فكرتك

جربت ترسم الكلام

جربت تحيا فالمنام

جربت تسمع صوت سكاتك

جربت تبقى عالحدود وتطوف بلاد

 

مصطفى سليم

Where Am I?

You are currently viewing the archives for ديسمبر, 2010 at Mostafa Sleem Art.