آخر سطر

سبتمبر 8, 2010 § أضف تعليق


اعذريني

مقدرش افتح علبتك

ولا اشوف صور

ولاعاد فصفحة قلبي سطر

تنكتب كلمه بحبر

كفايه نقشك بين ضلوعي

اعذريني

الروح تروح للذكريات

وتروح لذكرى تنوجع

وتقولي لا

متمشنيش السكه دي

ومتحكليش تاني الحكاية

ولاقادر اسمع صوت زمان

بيكفي جوايا الصدى

تلمع عيوني بدمعتك

واسكت كلامك بالسنين

وارجع الوم الذكريات

القاني مربوط الادين

وبقيتي واقع منكروش

ذكرى وبغمض بس بعيوني عليها

كلمة بحبك جوه قلبي

صوت وداني متسمعوش

يسمعها قلبي صراخ ألم

ومتسأليش عن ضحكتي

ولا عن كلامي هزار وجد

ومتسأليش عن فرحتي

مرسوم بدمعة كدب محبوسه

ولا دي دمعة بجد

اعذريني

لان عذري هو ذنبي

ولا فيش مفر

وان كات خطيئة الفراق

ساكن عقابها جوه روحي

تغفرها نعمة ربنا

بلحظة لقانا

دنيتنا بابها اسمه حق

مفتاحه عدل الأختيار

لا بالإستكانه

ولا بسلام الضعف

ممكن نلتقي

ولا بالرضى بظلم السنين

واللي بيفضل مستكين

وبيخاف مالخساره

بيخسر العمر بحاله

وعنيه تشوف الوهم

صدق اعور

بعين بتلمع من قزاز

………………….

مصطفى سليم

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

What’s this?

You are currently reading آخر سطر at Mostafa Sleem Art.

meta

%d مدونون معجبون بهذه: