ماس

سبتمبر 6, 2010 § أضف تعليق


عارف

انه زي ما يكون مستحيل

انك تخلق من غلطات الناس نجاحات

ان الهرم الأكبر مدفن يحيي ألوف

يفضل شبحك يصرخ فينا نموت مالخوف

ونعيش من أفكار قوتنا بلبس صراحه

غيرها صراحة زيف ملعونُه رفوف

شايله ألوف بورق موصوف

ممضية بدعوات للخالق من معابيد

زيف وخداع يوصفلك وهم يقول ده أكيد

وتصدق

وتصدق نفسك

وتصير كدبه بكلمة صدق

تبقى قصاد العين

تداراى

ومنها تخاف

وتردد كلمة جهلان

ده اللي لقينا عليه أهلينا زمان

واتربينا وكلنا شربنا منه كمان

وعيالنا اتولدوا واتربوا حلال وحرام

تضحك بيهم عالقوانين

عالناس

على نفسك

على ملكيين

هــــــــــم

..

يجي المصلح يطرح فكره على عميان

ويعدي واحد غلبان

مترباش على غش الناس

ويشوف الأفكار دي حقيقه

ويشاركوا المخاليق فالفكره

يفتكروهم دول مجانين

ازاي دولة ناس عايشين

فتنه وكبرى

وملعون اللي يصحي الفكره فناس نايمين

بيني وبينكم

ولا بيهم تعيش الفكره

ولا بيهم تفوق الناس

اللي يعيش ميت بيموت

وكأنه ما عاش

ياكل يشرب

زي ما بيربي الحيوان

عاش بالوهم ومات بحقيقه

بس الحق صراحه اتقال

مش كل المخاليق عميان

ولا كل اللي بصيرته تشوف

يقدر يرسم بالألوان

حفنه دهب مخلوقه بناس

وتغير احجار العالم كله لماس

جسمك بيت

بالمسكون

يسكنه خير يبقى نبي

و يبقى شطان

لو يسكنه كدب الأفكار

لا أنت بأهلك ولا بفلوس

ولا بالشارع ولا بكلام

ولا اسمك ولا لونها عنيك

ولا طولك ولا خط اديك

انت بكل اللي انت تحبه

بس انت اتأكد من صدق مشاعرك

من افكارك

من رغباتك

من كل اللي اتعلمته زمان

ولا انت مغميها عنيك؟!؟

أهلك ترس فألة كون

والكنز بحيرة بقارون

اخلق من بلاويهم خير

اركب موجه بروح تغيير

ولا غلطات الناس دي تهدك

بحطامهم تزرع أفكار

يطرح تاني العالم خير

وسماك الدخان الأسود

تتلون بسحاب النور

…………………..

مصطفى سليم

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

What’s this?

You are currently reading ماس at Mostafa Sleem Art.

meta

%d مدونون معجبون بهذه: