Losing Better

سبتمبر 22, 2010 § أضف تعليق


When you lose every thing in the beginning. you will gain better.

Mostafa Sleem.

Advertisements

مرسوم ورق

سبتمبر 20, 2010 § أضف تعليق


يلعب بكلمة وكلمة تلعب هيه بيه

كلمة مقفوله بعقارب من زمن

وكلمة عايشه من ماضيه

وما دمت قررت الطموح

يبقى انت قررت المصاعب مستحيل

قررت أحلم بالسحاب ومعديهاش

قررت أوصل للسما اللي مطولتهاش

قررت أمشي طريق طويل

فزمن قصير

بالهداوه وباليقين

أرسم عيوني نقطتين

على كف بصماته سطور

أسطوره عايشه مش كتاب

بتاريخ ومكتوب من زمن لزمن مجاش

مكتوب بفرشه مش حروف

مكتوبه ناس وشجر وضله

مكتوبه خط بعرضه طول

مكتوبه حب  شجن وخوف

مكتوبه روح تقدر تشوف

مكتوبه تايهة فالوضوح

مكتوبه صوت

تسمعه بس فودانك

تسمعه جاي من ماضيك

ينطق حياتك ذكريات

فلوحه بيضا مترطشه ألوان كتير

تحفظ كيانك جوه منها وتحفظك

ينطق بسر اللحظة مطبوع بالنسخ

ملكوت مقدس زي محراب السلام

شره اللي ناره عقول هوا

جنه فمشاعرطاهره روح

متقدروش بفلوس ورق

مع انه مصنوع من ورق

مرسوم ورق


وبيشتري مرسوم ورق

…………………..

مصطفى سليم



Aquarelle

سبتمبر 15, 2010 § أضف تعليق


Aquarelle

35x16cm

Aquarelle

سبتمبر 13, 2010 § أضف تعليق


Aquarelle

20x20cm

Aquarelle

سبتمبر 13, 2010 § أضف تعليق


Aquarelle

20x20cm

منقوص كمال

سبتمبر 12, 2010 § أضف تعليق


بَحبك يالاماكن يالقديمه
بِكسرك المنقوص كمال
بِلونك البهتان خيال
بِريحتك الدفيه اللي تأثر

بَحبك بحكاياتك
بَحبك بالتاريخ
ارواح بشر ضحكات
وسعات صوتها صريخ

ارضك الحجريه ملبن
عواميدك قزاز بنور
وحيطانك تحضن ما تسجن
والسما بسقف السحاب

بَحب نور شمسك
ويتغير عليكي النور
ولايغيرش من رسمك
ولا يحرمش ناس منك

تموت الناس ولا تموتي
تعلي بيوت ولا توطيش
تهجر خلايق ارضها
ولا ترحليش

عمرك زمانك والمكان
روحك بروح ايدين صادقين
يعيش اللي فنا فيكي
وترويكي السنين ريان

يا ذكرى مع الزمان بقيه
يا حلم بالعقول راقيه
تطلي على ميادين عمار
و الخلود شاهد عيان

خشب البيبان شاقق
ومشارب الصبح اللي رايق
ومدنا خطها معووج
طيرك بيتحرر خلايق

أقول فيكي الكلام موال
بأبريقك بسجادك بأنتيكه
بكسرك المنقوص كمال
بلونك البهتان خيال
…………………

مصطفى سليم

حال محال

سبتمبر 11, 2010 § أضف تعليق


لا

بلاش

اياكي يوم تحلميني

وبلاش كمان احلمك

ولا تحفظيني زكريات

خلي بينا أي حاجه تنتنسي

خلي بينا وقت من غير اشتياق

خلي بينا عمر مايشوفش الفراق

وخلي بينا صوره بالملامح

مره واحده بالملامح

مره واحده وانتهي ومشوفش دنيا

مدقش طعم الفرقه بادين مربوطين

ولا اعيش مراره مدوقتهاش

وكأن ظلمك كله ليا

وكأن جرحك شق فيا

وتعيشيني حكايه سودا

قزاز بيوتها مكسرين

وتهجري بلدان ماضيكي

وترحليني بضعف حيلتك

و بصوت سكاتك تصرخيني

ارتعش رعشة زمانك

بالألم فيكي أوجعيني

ماهولما حد يحب حد

يفرحه بكل ما فيه

ويعيشه بسمه بين شفايفه

وتموت حياته بنبض قلب

وتنفرط سبحة حكايته

وتجري بفروع الخيال

تفضل فإيده فتيل نهايته

ويبقى ده الحال المحال

Where Am I?

You are currently viewing the archives for سبتمبر, 2010 at Mostafa Sleem Art.