عنين قزاز

يوليو 30, 2010 § أضف تعليق


فرانكو عربي على انجليزي لغات كتير

ودوشه جامده مرايه باهته كلام كبير

عنين قزاز تنكسر تكسر قلوب

وادين بتتكون بحريه

رفض المباح

وبدون سبب

وسبب يخليك ميت مباح

تملك عقول وتملكك

وقلوب تغني وتعجبك

وقلوب بتسكت تشغلك

وكأنك انت كل حد

كل شئ

حتة حجر

بندول فساعه

خيط فسبحه

جناح وطاير فالسما

سباح وعايم فالبحور

دخان بخور

قطر ماشي بكهربا

مسكين دماغه مقبره

وبفِكرُة مسنونله ساطور

شريان قلوب

يتصفى دمه زي نيل

لا يلاقي منبع يرشده

ولا حد طايق يشربه

وبفنه حتى بيلعبوا

مبسوط ومقتوله قتيل

بيعه وشروه

ولحمك اللي فوق عضامك

زي المخده عالسرير

تنتج ماتنتج نشتريك

غالي

رخيص

برضه انت رحت ولا جيت

فعنينا سلعه

ولو انت غالي عاليا حبه

برضه برضه هاشتريك

هابيع هدومي واشتريك

هاستلف دم واحسك

هاسرق قلوب واحب فيك

طب هيه فكره وجت فبالي

ولو ان ده صعب عليا

راح هاخلي ليا فيك شريك

نشتري ونبيع ونكسب

لو نخسر انت ملكش رأي

تزعل ما تزعل انت حر

انت المباع

احسن من الركنه فرفوف

وتراب يعشش فوق جبينك

وتنسد الودان

وتتغمى العيون

ويعدي يومك ايش تكون

انسان وبائس

يومك سنه

طعمك لمون

بيته ساكنه مش شبح

ساكنه الفراغ

مش الهوا

مش الكلام

مش التراب

الموت يبقى له معاني

يطلع بروح

طب وانت ايه معنى فحياتك

قدر تقول؟

ولا حتى لونك توصفه

ولا ريحه فيك

ولاجرح موجوع انت بيه

انت الفراغ والوهم والمعنى العقيم

انت المكسر اوالسليم

يابخت حد يلم روبابيكيا حياتك

يعملها شنطة

جزمه

صندوق فيه زباله

ورق مكرمش

يكتبك من تاني شعر

خام لفيلم

يرسمك سكه لطريق

يزرع ورودك جوه حوض

تنبتك من تاني عطر

ترجع يا آدم جنتك

وتعيش خلود

Advertisements

John Cleese

يوليو 12, 2010 § أضف تعليق


John Cleese
Digital art

Mostafa Sleem “Self Portrat”

يوليو 10, 2010 § أضف تعليق


Mostafa Sleem

Self Portrait

Charcoal on paper

35×50

شق جراح

يوليو 6, 2010 § أضف تعليق


ريحها نفسك
ما بترتاح

واتعبها روحك
شق جراح

واصمد وقاوم
سن رماح

مرشوق فقلبك
حد سلاح

مخنوق فصوتك
حلم وراح

طريق امل
مخلوق مفتاح

تمشيه تلاقي
ميت سفاح

يضحك لالمك
يسجنها دمعك
يلعب بعمرك
يقسم همومك

هم فشلك
هم نجاح

Abd El Aziz Dallol

يوليو 6, 2010 § أضف تعليق


Pencil drawing
14×21

زي زمان

يوليو 4, 2010 § أضف تعليق


هاترجع تاني

زي زمان؟

تنام تحلم

وزي زمان

تقوم تفرح بطول اليوم

وزي زمان

تاكل وتشبع

زي زمان

تضحك وتفرح

زي زمان

عيشتك امان

وردك مكان

بيتك طبيعي

هواك ربيعي

نفسك وثابت

عينك بتبرق

ويجي بكره يا انسان

وتحن للأيام

تحن للي ضاع

واللي باع

والجبان

وتحن للي ساعدك

واللي باعدك

واللي خان

حنها ماتحن

ده لحن غنوة زن

كلامها هم

صوتها جاي من بعيد

ولا يسمعوش المكان

يرج فضلوعك

يشد فقلوعك

فلحظة صمت

سفرك وصولك

برك امان

سكتة حياه

مرويه بدموعك

دافيه بحنان

شغلك سكات

زي زمان

قيمة حياتك

حق وكيان

ظلم فرجوعك

لسالف الازمان

تنده يجولك

ترسم تبان

عجن اللبان

هرسه ودوسه

وانا عجني لوحه

مرسومه بالالوان

تطبع مشاعري

عقل جنان

تطلق حبالي

خيال فنان

تعزفها مزيكا

تسمعها صوت رنان

وسع المكان

براح خيالي

عمق روحي

يتقسش بالامتار

يتقاس طريق

متحسبوش اعمار

تمشي ماتتعب

ولا يحكموش اطار

ولا لوحه زي زمان

تقدر تكبل فن

ولا فكره زي زمان

متسجله بتاريخ

عيشها حياتك

لو حتى فالمريخ

Where Am I?

You are currently viewing the archives for يوليو, 2010 at Mostafa Sleem Art.