توب العمر

يونيو 27, 2010 § أضف تعليق


بحاول اعيش
عشان عايش وما في مفر
احب الخير
ولا يفرق معايه الشر

وبقرا كتاب
ولا يوم بالكتاب اتغر

وكان ابليسي غاويني
وكانت الغوايه بحر
لابسمح يوم يناديني
ولا شوفت لكلامه بر

وهالبس توب ليوم تاني
ويجي اليوم يدوب التوب
يلاقيني نهار تاني
وتوبي زي توب العمر
يدوب مالهريه يترقع
يروح لونه ويتبقع

ويتريق عليك الناس
أكن العمر ده نكته
بضحكه تروق وتتوجع

ويجي فجر يوم هادي
يعدي وسط شمس بحرق
وتتمسى ببدر ابيض
بكلمة السواد واللوم
أكنك عشت طول اليوم بتدلع

أرص الطوبه عالطوبه
جدار بيتي

ويجي شر خلق الله
يهد جدار ويبني جدار

واقوم ابني البيوت تاني
مانا اتعلمت اعيش برضه
ولو بسناني متخلع

ملك عشت الحياه لحظات
وصعلوك تحت كبري ابات

وقهوه لعبتها طاوله
معادله بحلها عالم
ومزيكا ورقصة بند
واخفف من هدومي فبرد

وفالجامع اصلي واصوم
وبتكلم كلام مفهوم
وتطلع روحي فاللوحه
وواحد تاني نفسه يكون
مكاني فدنيتي عالأرض
حياتي بطولها زي العرض.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

What’s this?

You are currently reading توب العمر at Mostafa Sleem Art.

meta

%d مدونون معجبون بهذه: