اوقات حرجه

أبريل 30, 2010 § 2 تعليقان


ترقب

انتظار

وقت المغارب
والخريف

ليلة سفر

طلقة من غير شرار

حب من غير لقا

لحظات وجوم
حاله بتشيل هموم

لا قوه حتى بتدفعك
ولا حاجه ماسكاك من ايديك

تقفيل دماغ

من غير سبب قلبك بينبض

زحمة مشاعر

كلام وجاي من السكات رايح سكات

حالة تامل وانتظار
ويجي على بالك سؤال
مستني ايه؟
تلقى الاجابه جايه ساكته

قالبه وش

ضاربه بوذ

جايه لبسه توب سؤال

مزيكه دوشه
زيطه كده على ظامبليطه

ودان قلبت عنين
وعنين بتسمع كل العيون

اوقات خيال
صراع هدوء
جنون وبيقدم حلول
سكين وحامي
وقلب دامي
مستني القرار
يتمنى موت او حياه
امنيات
بتتحول فلحظه لزكريات

رمادي فضة الكلام

والدهب هو السكات

Malak Samir El Halabi | Writing

أبريل 28, 2010 § أضف تعليق


Kina Grannis

أبريل 27, 2010 § أضف تعليق


سكر

أبريل 23, 2010 § أضف تعليق


خيالي سبحة الحكايه

كل حبه فيها حب

زي عنقود العنب

تلقى سكر فالنهايه

NOR Soft Pastel on papre

أبريل 21, 2010 § أضف تعليق


Soft Pastel

أبريل 21, 2010 § أضف تعليق


خيـــــــط

أبريل 18, 2010 § 4 تعليقات


مابين حياتي واخرتي فالدنيا خيط

ومابينها ناري وجنتي فالاخره خيط

والطفل بينه وبين الأم برضه خيط

حتى التنس مشدود بخيط

حتى المركبي حبال شارعه كله خيط

يصتاد وشبكه برضه خيط

البس هدومي المغزولين خيط فخيط

قميصي الابيض بالزراير ملفوقين بخيط

والسلسله حباتها تسابق بعضها ما بينها خيط

ويا رجلي بالجزمه اللي مربوطه بخيط

حتى الجراح تلتأم بربط خيط

والشمعه عايشه بحرق خيط

حتى المزاج فالشاي بقى مشبوك بخيط

وعشان اكمل أي لوحه القاني راسم فيها خيط

اسكت بقا يا قلبي لانزل فيك شخيط

اعمل بقا مانتاش عارفني يا عنيد

اعمل بقا مانتاش شايفني يا شريد

اعمل بقا مانتاش فاكرني يا مريض

ده الجرح شاقق الخيال بخيط غويط

ازاي عقولنا بتنسج الافكار فخيط

وازاي قلوبنا عايشه على شريان فخيط

سالك طريقي يا ربي بس ده ولا حيط

لو أعدي بس مابين نارين على الصراط الخيط

ولا الصراط ده خط بترسمه دنيتنا خيط

أنا مين فدول

غارق فمية المحيط محتاج لخيط

ولا ده خيط منسوج بشبكة عنكبوت للصيد

Where Am I?

You are currently viewing the archives for أبريل, 2010 at Mostafa Sleem Art.