غصب عني

غصب عني

الفجر يلمع

تعكس الميه سماه

غصب عني

الشمس تطلع

ترسم النور للحياه

غصب عن معابيد

فمحراب الكلام

غصب عن حكام

فقفص الاتهام

غصب عن كيوبيد

بقا كوابيس منام

غصب عني

وعن طقوسي

غصب عن مارد فانوسي

غصب عنك يالرحيل

غصب عن صمت النخيل

وعن عصافير الشجر

جاي على بالي أنبسط

هأو.. بحب الضحك موت

هأو .. وبكتب نفسي صوت

هأو كمان .. هأو بقا

زهري الدوباره

ولسه بدري على الشقا

عمري الجميل مرسمتهوش

سفري الطويل مسفرتهوش

عمري اللي فات محسبتهوش

وهايجي عمر ماضيعوش

مر الحياه كان غصب عني

وغصب عني هادوقها أنا

حلوه الحياه

………….

مصطفى سليم