غصب عني
نوفمبر 8th, 2011 § أترك تعليقا
غصب عني
الفجر يلمع
تعكس الميه سماه
غصب عني
الشمس تطلع
ترسم النور للحياه
غصب عن معابيد
فمحراب الكلام
غصب عن حكام
فقفص الاتهام
غصب عن كيوبيد
بقا كوابيس منام
غصب عني
وعن طقوسي
غصب عن مارد فانوسي
غصب عنك يالرحيل
غصب عن صمت النخيل
وعن عصافير الشجر
جاي على بالي أنبسط
هأو.. بحب الضحك موت
هأو .. وبكتب نفسي صوت
هأو كمان .. هأو بقا
زهري الدوباره
ولسه بدري على الشقا
عمري الجميل مرسمتهوش
سفري الطويل مسفرتهوش
عمري اللي فات محسبتهوش
وهايجي عمر ماضيعوش
مر الحياه كان غصب عني
وغصب عني هادوقها أنا
حلوه الحياه
………….
مصطفى سليم
حب من نار
سبتمبر 4th, 2011 § أترك تعليقا
متناثرة هي بأعداد كبيره جدا بجانب بقايا الشمع المنصهر فوق ساحة الموقد بأكمله بعد أن ترك ملوثاً ببقايا الطعام نتيجة إهمال مستخدميه من من يسكنون المنزل دونما إمراه.
فبعد أن أصبحت سوداء الرأس، لم يعد لها قيمه.
بحثت عن صندوق يكون به ثقاب جديده لم تشتعل بعد فلم أجد ، ترددت في أن أخرج في هذا الجو الشتوي لأبتاع واحدا لأشعل الموقد لصنع مشروبا ساخنا.
ارتطمت قدمي باب القطعه السفليه من المطبخ اثناء خروجي لأنحني متألما لأجد صندوقا قد ترك سهوا ملقى على الأرض.
فتحت الصندوق لأجده قد فرغ عن اخره إلا من عودين من الثقاب.
تبادلا العودين قبلة بعدما قال لها أنه يحبها من قبل أن تمر على وجودها وحيدين بداخل صندوق الثقاب هذا سنة كامله، منذ أن كان مزدحما بالعديد من الأعواد سوداء الرأس تللك التي كانت تكتسي باللون الاحمر مثلهما.
اضطرب أحدهما نتيجة تناولي للاخر، حيث علم بمصيره المحتوم، أغلقت صندوقا الثقاب عليه ليبقى عودا وحيدا سرعان ما أزدادت ضربات قلبه اثر احتكاك رأسها بالصندوق،في كل محاولة مني للإشعال، لكني فشلت في جميع المحاولات المحمومة تلك، توقفت لفترة أتأمل الرأس الأحمر الذي يأبى أن يشتعل بسهوله رغم حمرته الشديده، فأطمأن كلاهما لهدوئي.
لكني سرعان ما عاودت المحاوله بقوة هذه المره لتشتعل رأسها لتولد حمرتها الجميله تلك نارا مددت بها يدي لأشعل الموقد الذي أبى ان يشتعل بسهولة إلى أن أنطفأت بعد أن تسببت في إحراق أصابعي.
جن جنوني لأفتح صندوق الثقاب ثانية لأجده أخر عود منتظر لمصيره الأخير، والذي أبى القدر أن يفرق بينهما حتى عند لحظات نهايتهما، النهاية تلك التي لا بعدها نهاية والتي طالما ضرب بها مثلا للشرف الذى لا يوقد الا مرة واحده.
مصطفى سليم
https://www.facebook.com/notes/mostafa-sleem/%D8%AD%D8%A8-%D9%85%D9%86-%D9%86%D8%A7%D8%B1/228588341763
في الطرف التاني من الدنيا
سبتمبر 2nd, 2011 § أترك تعليقا
في الطرف التاني من الدنيا
في الطرف التاني من الدنيا
من آخر حته فافكاري
من ابعد زكرى فحدوته
من تاني رجعت اقلق نومي
من يوم ما سمعت عن الاحلام
من ساعة ما صنعت الاوهام
من لحظة مكنتش بعرف اعيش
دلوقتي بقيت فكرة انسان
من لحم ودم
من صوت مزيكا فحته بعيده
لضحكة خوف وسحابه ألم
وصورة قديمة كبيره لعمري زمان
من أبعد صفحه فالأيام
من لوني ولمس الهوا لجفوني
من شخابيطي فكتب الكيميا
شكل الدنيا فعيني برئ
مغصي الصبح فصوم رمضان
تتكركب فدماغي الفكرة
تمنعها عيوني من التغميض
واتقلب بين كلمة وكلمة
و ارسى على جملة تصحيني
مفزوع مالنوم
منزوع الروح من من حتة ارض
متكرر لحن فغنوه سكوت
مسرح وصداه الصوت بيرج بيوت
من غير جمهور
من غير لا ستاره ولا كالوس
حلمك متوصل بكابوس
في الطرف التاني من الدنيا
ابعد ابعد حاجه فعمرك
وارجع عيش ببرائة طفل
عيش بنيشانك روح لشهيد
ضحى حياته شجاع أوي
دلوقتي نفسك فالحياه؟
عيشها أوي
دلوقتي ميهمكش حتى تموت اوي
طاير على حدود السما
عالي أوي
روحك حياتنا كلنا
دمك رسايل دمنا
تشرق علينا شمسنا
تغرب شموس الظالمين
واوعدك
مش راح اخلي صوتي واطي
مش هادوس أرضك مطاطي
مش هايبرد دم شهدائك يا بلدي
ولا راح اعيش أبدا عشاني
زي ما ماتوا عشاني
عرفت بقا معنى الصمود
وهاعيش هنا وعمري هناك
في الطرف التاني من الدنيا
مصطفى سليم
Ahmed Basiony Egyptian revolution One of 25 January Martyr. Digital
https://www.facebook.com/note.php?note_id=10150114275431764
نقطة دم ومن اول السطر
سبتمبر 2nd, 2011 § أترك تعليقا
حتى لو غيرت دمك لسه فاسد
حتى لو ضحيت بكل كلاب شوارعك
مش فدى دموع الوطن
ملعون قرارك
للجحيم كل الحلول
يوم عيد فرارك
غنوته أرحل وغور
احلف يمينك من شمالك
كدبتك قدام عنيك
دلوقتي بس عرفت معنى الإصلاحات !!
دلوقتي بس عرفت تعمل إنجازات !!
تخسر خلاص ومفيش رجوع
حتى لو غيرت دمك لسه فاسد
حتى لو ضحيت بكل كلاب شوارعك
مش فدى دموع الوطن
الأب أب بالوراثه
وانت أب فسوق عبيد
تشترينا بسعر بخس
يبيعنا تجار الحديد
مش هانسمع للوعود
قلب واحد للصمود
ينضرب برصاص ويفضل
حتى لو غيرت دمك
حتى لو ضحيت بكل كلاب شوارعك
اه يا بلدي
اه يا اشرف خلق عاشوا مقهورين
ماتوا بادين سفاحين
ماتوا شجعان منصورين
مرفوعين الراس
دمهم فوق الجبين
وانت
كل همك منظرك
دور بقا دلوقتي مين هايكبرك
مين هيرفع تاني اسمك
مين فمنبر يفتي دينك
مين يلونلك سياستك
ومين بإعلامك يغميلك عنيك
حتى لو غيرت دمك
حتى لو ضحيت بكل كلاب شوارعك
انا بس مش عاوزك تخاف
على ذكر إسمك فالتاريخ
مين هايشهد زور بعد ما راح الشريف
ومين هايرفع الموافقه غير سرور
مين هايحرسلك فساد
مين هايسجدلك عباد
دم انكتب
على صفحه مليانه بسواد
حتى لو غيرت دمك
حتى لو ضحيت بكل كلاب شوارعك
وان كان على دستورنا
احنا نغيره
وان كان على البيت اللي حزبك خربه
بأدين شبابنا نعمره
وان كان على الفتنه ومؤامره
اول ما تمشي هايهربوا
مش هناكل مالكلام ده
حتى لو غيرت دمك
حتى لو ضحيت بكل كلاب شوارعك
انا كنت بتشرف وانا صغير
بان حاكم دولتي راجل قوي
رمز ومهابه
وسط كل الدنيا ما يخاف الديابه
كلت الديابه رعيتك
وبأمر قائد شرطتك
دلوقتي مش فارق معانا
حتى لو غيرت دمك لسه فاسد
حتى لو ضحيت بكل كلاب شوارعك
مش فدى دم الوطن
مصطفى سليم
https://www.facebook.com/note.php?note_id=10150097552926764
Tikt
سبتمبر 2nd, 2011 § أترك تعليقا
tikt
tikt
tikt
tikt
tikt
tikt
tik
tik
tik
Tikt
tikt
tikt
tik
tik
tik
tik
tikt tikt tikt tikt
tik tik tik
tikt tikt
tik
tik
تجربتي نتيجة قطع أحدهم لتزكرة أتوبيس، رفض إستلامها.
كان يختالني شعور اللاشعور، فلم أعي غير تلك التكتكات.
My experience as a result of one of them to cut Ticket bus, refused to receive it.
I was feeling unconscious, not aware of is that Tikt Tikt
Mostafa Sleem
28/12/2010
https://www.facebook.com/note.php?saved&¬e_id=495135476763
خطوة قدم
سبتمبر 2nd, 2011 § أترك تعليقا
خطوة قدم
نص الهموم
رعشة مشاعر
عز برد
خوف من لا شئ
ويطمنك قرب الطريق
تفتح بيبان الماضي جوه منك
رعب موت
تحلمة زي الكابوس
تصحى تبقى فدنيا تانيه
حلم تاني
حد تاني
روح ومحتاجه لفضى
لسكوت مشاعر
وتموت كأنك فرع توت
نقطتك منظور بيوت
قلب فرقع مالضغوط
حالة كتابه مرغمة.
مصطفى سليم
12/12/2010
ساقية الصاوي
يوم متلج
برد موت
وتراب هوا
https://www.facebook.com/note.php?saved&¬e_id=481540696763
Raouf Samaan
سبتمبر 2nd, 2011 § أترك تعليقا
Raouf Samaan Digital في الزكرى السنوية الثانية للفنان الراحل رؤوف سمعان ستكون غدا الخميس1- 9 The Second memorial day of our beloved artist Raouf Samaan will be on this Thursday the 1st of September https://www.facebook.com/photo.php?fbid=2225910565919&set=a.1187537927252.2028601.1192425868&type=1&ref=nf
قطيفة
سبتمبر 1st, 2011 § أترك تعليقا
فيه يوم نخاف من البكا
وفيوم نموت من الفرح
ومالاشتياق
ومن زمان
ومن الكلام
فيه يوم ندوق طعم الحنين
مع طعم ملح الدمع
تغميض العنين
رعشة ادين
صرخك يتيم
واشجاب لجاب
مغرور يحب الانسحاب
لحقيقة عايشه بالصمود
عايشين بعلبة مسروقات
شايلين اهم حاجه فينا
واتلخبطت كل الحجات
حبة اماني
وحته برضه من ماضينا
كل اللي فات
بنسرق قدام عنيننا
مبرقين
بس اللي مش حاسينه
دافنينه فمكان
الجن الازرق يعرفوش
هو بس داري بينا
مستني بس نبصله
يرجع يهز كيانا
يعمينا بادينا
ويا هو بس يكون
ونتنفس هواه
يانموت فراق بره القفص
ويا دار مادخلك حد فينا
…………………….
مصطفى سليم
